سوالف خكري
مع أمه تموت من الضحك
رطوبه
رطوبه
رطوبه
حررر طفشش
خلاص
تعبانه
يـؤ
قصدي
تعبانالعجيز .. اقول ياجعل عيني ماتبكيك ورا ماتتمرجل مع الرياجيل
وتغدي ذيب
نعن ابو خشتك انت طالعن على من؟
انا يوم اني بسنك كنت اقود قطيع من الغنم واقود قبيله مثلك
ماما اش معنا غنم ؟؟ .. اييه قصدك الخروفه
العجيز:اييييييييييييييييه ياويحي تقول خروفه ها
ياحره تسبدي
ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها ..يدور ورا رزقه
انت لو يطب في حظنك (شبث) =عنكبوت انكسر حوضك
ماما يعني بابا كان زي ماوكلى؟
العجيز :نعن ابو حيك الى يسمع سوالفك يقول عمرك ثلاث سنوات وانت ترا جالس تبحر بالعشرين
اقول تقلع من قدامي لا تخليني اتخلى عن انوثتي وارتكب فيك جريمه
ترا مو ماسكني عنك الا صله القرابه ..
خلاص ماما بروح انام
العجيز: نم ياجعل تنام فوق ظهرك تريله .. ربها تقسي عظمك يالرخله
ماما ؟ ليش انتي عدوتي ليش انتي دايم تحاولين تحطمين مشاعري
ليش انا مو دلوعتك يؤ قصدي دلوعك انا مو ضناكي الى تخافين
عليه
العجيز: تصدق احرجتني بكلامك تصدق حمرن خدودي وبجلس ادق راسي اسفا للى سويته فيك
وبلاك والله ماذقت عقال ابوك وهو على ظهرك
ماما تدرين وش اتمني ..
العجيز: وش تتمني يا هيفا << ملكعة العجوز
اتمني بس تشوفين حليمه وتاخذينها قدوتك
العجيز: وش انتي ياحليمه ؟
بنت بولند ياماما
العجيز: اقول ليت والله تاخذ اخوك خلف قدوت(ن) لك مع انك اكبر منه بسنه
هذاك والله الى شعر شنبه اكثر من الشعر الى بجسمك
هذاك والله الى زنده يوقف عليه التيس .. انت لو تلبس ثوب شتوي ثقيل جاك الغظروف
هذاك عزوتي .. وسندي
العجيز: ياعلبة المكياج < < بتدلعة العجوز
يس مام
العجيز: وش يس ذا جعل تيس ينطحك .. يالسفنجه
انت من الى علمك الهرج ذا
قل لبيه يمه سمي يمه
لو طب علينا حرامي وش بتسوي ياروح ماما
بشد شعره وبقوله عيب عليك
العجيز: لاتكفى ارحمه مسكين << قايله لكم ملكعة العجوز
وانت تفكر الحرامي مخلي شعره مثلك ياباربي????
الحرامي يجيك في وجهه شطبه سكين اعرض من يدك
يووه لا تخوفيني ماما اجل بقوله حوحو خذ كل شي الا السكيتنج حقتي واغراضي من بدي شوب خلها لى الله يخليك
العجيز: الله... وانت منت بمسويله شي ؟
وش اسويله ياماما بقوله لا تسرق ترا السرقه حرام
العجيز: بس
يس
العجيز: الله يخلف على امن جابتك بس
((على دخلت خلف من الشارع ))
العجيز: تعال خلف تعال
خلف: سمي يمه لبيه
العجيز: هلا بعزوتي وبسند ظهري هلا
لو دخل علينا حرامي ياخلف وش بتسوي فيه.. امتعني سمعني اطربني
خلف: بكسر ظهره ثمن بدعس على رقبته واقطع يده وافك ركبته... واعلقها على باب الشارع عضه وعبره لغيره << عساه مايشوفك بس
يووء بتسوي فيه مثل ماسوو في بطل فلم الحريه مسكين
خلف : سكين والله تقطع اذنك ذي الى كنها كليه فار
يو ترا ما استحمل الكلام ذا ترا ما اعرف انام اخاف..
بروح انام احسلى من الجلسه معاكم يا عيال دراكولا؟
العجيز: دراكولا يمص دمك هذا لو عندك دم ماطلع الى بجسمك عصير دناو
احد يقول عن امه تسذا؟
خلاص ماما سوري
العجيز : سوري يهابدبك بجدران دمشق قول امين
ماما ترا بروح بعد ما الشمس يخف زعلها محل نكتار بشتري لى بعض الحاجات مخلصه من عندي
العجيز: وش يخف زعل الشمس ماخبرت الحتسي ذا ؟
يعني يماما لمن تبرد اشعه الشمس يعني بعد المغرب
العجيز: وراك ماتطلع بالضحى ياجعلي اضحي فيك العيد الجاي... قصدي والشمس زعلانه
لاماما اخاف على بشرتي تتعور
العجيز: لاعاد تقول ماما ياجعل مومياء تحضنك ...ياللأنثى
وبتروح مع من ؟
بروح مع اصحابي وائل ولؤى وهيثم
خلف يطمر من بعيد ويقول :على فكره حبيبي يااي اخبار وائل وشلونه هو
وليش تسئل عنه؟
خلف : بس اسئل عن حاله
زين تمام وتوه ماخذ شهاده في رقص الباليه
خلف: والله انا الى برقص من الفرحه لو استفرد فية
وشو ماسمعتك
خلف: لالا سلامتك توكل بس
ثانكس بباي
العجيز: اقول خلف وش جالسن تثرثر فيه انت وخوك المايع مهيب عوايدك
خلف: لا ..بس اخوي واشوفه لايكون يمشي مع دشير ولا شي خايف عليه
العجيز: ليته يمشي مع دشير ولاهو جالس يتمكيج قدام التسريحه كل يوم
خلف: والله يايما كان سمعتي عن قصه برجس ثانيه
العجيز: وشو
خلف: سلامتك يالغاليه..
العجيز: اقول ياوليدي ورا ما ندخل اخوك بالعسكريه تربيه يترجل
خلف: وش عسكريته يما والله ان يرجعلنا الولد مبهذل
العجيز: وش مبهذل ..؟؟
خلف: انسي انسي الموضوع هذولا عسكر جياعه والله ليشوفونه يحسبونه اليسا تتمشي قدامهم بلبس عسكري
((وبعد ان خف زعل الشمس وجا وقت المغرب))
مامي انا طالع
العجيز: وين رايح يا سالى ؟ << اقطع يدي اذا مو زاحفة
يؤ مامي نسيتي بروح نكتار
العجيز: ايه ذكرتني طيب وانت راجع جب معك خبز
ليش مام
العجيز: .. بتعشي ياجعلى اتعشي يوم عرسك...... مهما كنت ولدي وابي افرح بك
مدري انت الى بتخطب ولا هم الى بيخطبونك ياحسرتي بس
لامام بجبلك كلوب هاوس
العجيز: كلاب والله تعض خصرك ذا الى كأنه خاتم
وبعدين مام انا بتزوج تشلسي
العجيز: وشو ذا تشلسي بطاطس ؟
لأه بنت كلنتون
العجيز:وش لبتن ذا
هههه مام ضحكتيني لا بنت رئيس الولايات المتحده الامريكيه السابق
العجيزز: وشوتقصد.. عمريكا؟< تقصد مونيكا
ايه شيكا بيكا هههه << يتريق هو وخصرة اللي كنة خاتم ( سرقتها من العجوز )
العجيز: وتضحك بعد ايه خبري بك راعي شكشكه
ايه مام وش احلى من اني العب بخصري واهز وسطي
واتزوج حبيبتي تشلسي
وبعد ما اتزوجها .. اكلم ابوها واقوله اطلع من العراق وكلم اسرائيل وخلها تنسحب من فلسطين
ولا ترا بزعل تشلسي ولا راح اشتررريلها ايس كوريم << وين حكام فلسطين عنك
العجيز: وهذا الى تقدر عليه ياتسبدي امك تزعلها ولا تشتريلها عسكريم
انا ابوك يوم زعل على اعطاني طلقتين بالشوزن في ظهرى
خلاص عاد بعد هالطلقتين مابدهاش يكفي مواضيع انحش يا بنت
hayfoooooooon
الخميس فبراير 26, 2009 4:10 am